Jæja!

Þá er ég loksins kominn með blogg!

Ætla bara að segja eitt örstutt um orðið framtíðarsinni og hvað mér finnst það fela í sér.
Framtíð og að vera sinntur henni þýðir ekki bara að maður sé sáttur við að morgundagurinn renni upp, eða að lítast vel á það að árin verði fleiri. Heldur þýðir það líka að sá hinn sami vilji árangur strax!

Þessir hlutir sem við búumst við að komi til framkvæmda á næstu misserum eða árum ættu að vera löngu komnir í gang.

Ég leyfi mér að vera gagnrýninn og lýsa andúð minni á því bákni sem skriffinnar hafa smíðað í kringum framkvæmdavaldið.

Td spyr ég afhverju nokkrar manneskjur þurfa 4-5 mánuði til að gera áætlun um rafbílavæðingu Íslands?
Lesist sem "rafbílavæðing höfuðborgarsvæðisins", því auðvitað eru ekki til innstungur úti á landi eins og allir vita. Hef ekki hugmynd um hvort þetta fólk er á kaupi við þessi herlegheit, en ef svo er þá má það skila ansi miklum árangri á þessum tíma.

Kannski rétt að nefna það núna að ég get verið ansi kaldhæðinn á köflum.

Ekki meir um þetta í bili, þarf að sökkva mér í rannsóknarvinnu!

Verið stillt! (Stay tuned!)